НҮБ-ын Хүүхдийн сангийн Шадар суурин төлөөлөгч Ян Му тэргүүтэй албаны хүмүүс манай аймагт ажиллалаа.

Дэлхийн 147 оронд хэрэглэж буй уг вакцин нь умайн хүзүүний хорт хавдраас гадна нийт 6 төрлийн хорт хавдраас сэргийлэх ач холбогдолтой.

Монгол Улсад ХПВ-ийн эсрэг вакциныг 2020 оноос сайн дурын үндсэн дээр хийж эхэлсэн бол 2023 оны 10-р сараас дархлаажуулалтын тухай хуульд нэмэлт өөрчлөлт орсноор заавал хийх вакцинд багтсан.

Манай аймагт 2014 онд төрсөн, 11 настай нийт 1257 хүүхэд хамрагдах ёстойгоос 793 хүүхэд буюу 63,1% нь вакциндаа хамрагдаад байна.

Мэргэжлийн байгууллагуудын зүгээс ирээдүйд учирч болзошгүй эрсдэлээс сэргийлэхэд эцэг эх, олон нийтийн мэдлэг, оролцоо чухлыг онцолж байна.