“Халдварт болон халдварт бус өвчнөөс урьдчилан сэргийлэх эрт илрүүлэх үзлэг, шинжилгээ, оношилгоо”-ны нээлтийн үйл ажиллагааг аймгийн төвд “Цогт хунтайж”-ийн талбайд зохион байгууллаа. Нээлтийн үйл ажиллагаанд аймгийн Засаг дарга Б.Ариун-Эрдэнэ, аймгийн ИТХ-ын дарга Д.Эрдэнэбат болон бусад албаны хүмүүс үг хэлж, ард иргэдийг харьяа өрх, сумын ЭМТ-ийн урилгаар эрт илрүүлгийн үзлэгт идэвхтэй хамрагдахыг уриаллаа. Уг үйл ажиллагааны нээлт хөдөөгийн 16 сум, тосгонд нэгэн зэрэг зохион байгуулагдав.
